شكيت جرحي للبحر قال....

موضوع: شكيت جرحي للبحر قال.... 1/12/2009, 3:21 pm

شكيت جرحـي للبحـر قـال تكبـر ,
وتشـوف منهـم في حياتك غرابـة !!

نطقت له تكفـى إذا كنـت تقـدر ,
عندي سؤال بس ؟؟ ناقص إجابة !!

ليه القلـوب اللـي نبـي دوم تغـدر ؟؟
وليه الحـزن يفـرض علينـا ثيابـه ؟؟

قال الكسـر مـا ظنتـي يـوم يجبـر ,
إلا إذا اللي راح أعلـــن إيــابـه !!

قلت الوفا بيـن البشـر ليـه ينـدر ؟؟
ليه الغـلا بـالناس سهـل إنقلابـه ؟؟

قال البشـر طبعـه غـدر بـس أصبـر ,
وأعـرف ترى نصـف الوجيـه تشـابه !!

دنياك لـو تصفـي فـلابـد تكـدر ,
وتشوف شيب العمر بعد الصبابـه !!

وإن كان تبغى الحـل مـن قبـل يصـدر,
خـلك حريـص تعيش كـلك مهابـه !!

من قبـل دمـع العيـن بـالحـزن يحـدر ,
من قبـل لا وقتـك يعضك بـنابـه !!

وقتك غريب ومثلـك اليـوم ينـدر ,
ينـدر تعيش بـطيبتك وسط غابـه !!

بـاقـول كلمـة وأذكـره دوم وأخبـر ,
وأذكـر كلامي لـك إجابـه إجابـه !!

لا تقول أنا فاهـم علـى النـاس أقـدر ,
أقـدر أميّـز مـن دروسـي كتابـه !!

صدقني هذا وقـت خايـن ويغـدر ,
لو أنت ذيب , تخـون فيـك , الذيابـه !!

موضوع: رد: شكيت جرحي للبحر قال.... 1/12/2009, 4:49 pm

يا صاحبي ليه تغدر وتهجر
يموت القلب لو كان صبابه
حرام يا زين تجبر وتكسر
بيجيك يوم تفتكر حسابه
هنا نقول للي من طبعه يغدر
سياتيك الموت انتظر لا محاله

كلمات من تاليفي تعايشا لما قراته من ابداع في كلماتك الجميلة
الوسيم مر من هنا